AUSPIQUE
XML PDF

AUSPIQUE Art magique - Magie

adj.

Etym FEW XXV, 1063b Auspicium

Qui a fait l’objet de l’observation des auspices.

Notes

  • var AUSPIQUEE

Citations

  • Augur, auguremens, inauguracion, auspice,auspiquesont moz appartenans a divinacions faites en chans ou en mouvemens des oyseaus, des quiex moz usoit moult souvent Titus Livius et je les met tous aplain quant ils viennent. Quar sachiez que anciennement avant que nostre foy catholique venist en la notice d’un seul Dieu, l’en souloit enquerir la volenté des dieux par les chans des oyseaus ou par les vollemens et y trouvoient a celui temps grans veritez et pour ce avoient il telle science en trés grant reverance, si que nul foiz sollempnés ou publiques il ne faisoient que avant toute euvre il ne feissent teles consideracions, dont li Romain avoient tous jours un perpetuel office ou il establissoient des plus sollempneles personnes que il eussent qui regardoit et pronostiquoit de eleurs aventures par la science des oyseaus. Et celui estoit apelé augur et la consideracion que il faisoit estoit apelee auguremens et estoit une office et une dignité qui duroit a vie et qui n’estoit pas anuel comme estoient les autres. Et sachiez que de cesti mot se dirmet (?) un autre que l’en dit auspice ou choseauspique, quar souvent trouverés que aucune est faite par les auspices de la chose publique ou du pueple romain ou d’un duc tel ou tel. Et ce n’est chose a dire mais que eur ou fortune ou felicité ou bon commencement. Et ainsi il apeloient une choseauspiqueequant tele chose estoit comenciee et establie deuement par la volenté des dieux notifiee par la demonstrance des oyseaux. […] Sique donques auguremens estoit l’inquisision de la verité de certaine chose future par la significacion des oyseaus, augur estoit celui prestre ou prophecte qui la chose enqueroit, auspice estoit ce que l’en amenoit, choseauspiqueeestoit celle qui deuement celebree, regardee et pronostiquoit estoit, et chose inauguree estoit celle ou fust heur ou personne qui aus dieux consacree et dediee tous jours perseveroit.
    BERSUIRE [TITE-LIVE], Decades,ms BSG 777, 1354-1358, fol.1ra-1rb.