Action ou moyen d'exercer ou de s'exercer (en vue d'entretenir ou de développer des qualités physiques ou morales).
Notes
Note encyclopédique
Terme qui relève de la diététique médiévale (sex res non naturales).
Citations
La cause si est car la viande n'est pas prinse seullement pour gouverner et restaurer le corps, mais aussi semblablement pour humecter et arrouser les membres qu'il ne deseche du fort mouvement et traveil, et pour resister a la resolution de la chaleur naturelle pour laquelle cause il fault plus de viande exhiber au disner que au souper, et tel grant excercite ne prohibe point les membres de faire bonne digestion, come ilz soyent ainsi acoustumés, car par experience nous les veons trois fois le jour mengier de bon appetit et bien digerer.
ANON. [Arnaud de Villeneuve], Regime santé du corps, 1480, 12.
Et pour ce dit Rasis au IIIe d'Almasor, au chapitre de la chair, que la chair grosse compete a ceulx qui moult laborent, et la chair subtile a ceulx qui n'ont point grande exercite penible.
ANON. [Arnaud de Villeneuve], Regime santé du corps, 1480, 23.
Item l'en se doit en ce cas garder de veilles desmesurees de grans et penibles vomissemens et de delaissser le exercice du corps, car ces choses grievent l'estomac.
Anon. [Guido Parato], Regime de santé, 1459, fol. 24v.
Il y a aucunnes choses survenans des queles il nous fault necessairement user comme air, viande, buvrage, traveil, repos, dormir, veiller, exinanition ou wideur et repletion, les passions, aussi, et mouvemens de l'apetit comme joie, tritresse, courous et pareillement les euvres de l'entendement comme penser et semblables occupacions et exercices d'engin. Et par user de ces choses convenablement et en bonne moderation l'en se maintient en santé..
Anon. [Guido Parato], Regime de santé, 1459, fol. 5v.
