Ptholomé devise le mois de la Lune par 4 variacions pour les nues. Et sera la premiere quarte dés le degré de la conjunction juques au degré du quart regart, et le almutez sus l’ascendent de cele conjunction sera maistre de cele quarte. La 2 quarte est du degré artabie jusques au comencement de la prevencion, et sera maistre de cele disposicion le almutez sus l’ascendent quant la Lune sera ou degré artabie. La tierce quarte est du degré de la prevencion juques au degré du secont tarbie, et sera maistre de ceste quarte le almutez sus l’ascendent de la prevencion. La quarte derreene est dés le secont tarbie juques a la conjunction, et li sires de l’ascendent a l’eure que l’estat de la Lune estoit ou secont quart regart sera maistre de ceste quarte.
Anonyme [Ahmad ibn Yusuf], Commentaire du Centiloque, début XIVe s., fol. 233va-233vb.
