Pour tant que vous avés aucunement touché que les dyvins sont, selon la Loy dyvine, repreuvés, certes, je ne croys pas que celuy doie estre reputés divin, lequel denuncie lez choses qui devent neccessairement ou conmunement advenir et qui puent choir en entandement humain.
Evrart de Tremaugon, Songe du vergier, ca 1378, t.1, CLXV, 363.
...vous vueil bien faire sçavoir que si aucuns invocateurs, nigromanciens, abuseurs ou divins, pour couvrir leurs mauvais ars, ont contrefait et contreffont les astrologiens et se aident d'auncune consideracion des corps celestes, il ne s'ensuit pas pourtant que la tres noble et excellante science de astrologie et les purs astrologiens en doyent estre blasmés ou en valloir mains.
Simon de Phares, Recueil des plus célèbres astrologues, 1494-1498, fol. 2r.
Mes des devins par esperis, de tant est greigneur peril de conseillier a eulz comme la fallace et la decepcion des mauvais esperis si est en euls par manifeste et et clere experience, lesquelz, se il mentent ou se il dient voir, si ont eulz tous temps en propos que ilz puissent nuyre et grever.
Denis Foulechat [Jean de Salisbury], Policratique, 1372, p. 188.
