ils usoient de sors, d'auguremens, de divinacions par le garroullement et le vol des oisiaulx, par observacion de eurs, de foudres, par les menbres de bestes mortes, par observacions de monstres, de songes, par les responses de leurs dieux et par telles chosez par quoy ilz cognoissoient les fortunez avenir.
Augur, auguremens, inauguracion, auspice, auspique sont moz appartenans a divinacions faites en chans ou en mouvemens des oyseaus, des quiex moz usoit moult souvent Titus Livius et je les met tous aplain quant ils viennent. [....]. Sique donques auguremens estoit l’inquisision de la verité de certaine chose future par la significacion des oyseaus, augur estoit celui prestre ou prophecte qui la chose enqueroit, auspice estoit ce que l’en amenoit, chose auspiquee estoit celle qui deuement celebree, regardee et pronostiquoit estoit, et chose inauguree estoit celle ou fust heur ou personne qui aus dieux consacree et dediee tous jours perseveroit.
De auguremens et auspices ou eurs, ay je monstré autrez fois la cause pour quoy il n’ont nul effeit en personnes qui usent de leur franche liberté ou volenté.
Augure, présage tiré du vol et des chants des oiseaux.