Et ceste maniere de lier est la plus profitable et la plus legiere des autres desus dites pour .2. choses : la .1. est, car ele deboute et oste les humeurs nuisives dont la jambe est embevree et l'ulcere ; la .2., car elle devee et restraint l jambe a tel fin que le flus des choses flusives ne courge en cel lieu.
De la .1. : se mult d'umors decourent aus plaies ou aus apostumes nerveus pour aucune cause, et il soient embevrees es membres nerveus adjacenz a la plaie ou a l'apostume, ne ne poent e (i)stre, les membres d'iceles sont acourciés, si comme le sac vuit est acourchié quant il est raempli, et ainsi est engendre (e) en iceus membres inflectibilité et impotence de mouvoir, si comme ou dit sac, et ceste chose est apelee spasme de replection.
Rempli, imbibé, en parlant d'humeurs* dans une partie de corps.