[…] toutesfois naturelement pour faire bonne mixtion des viandes et pour les transporter es parties extremes du corps, le vin vault mieulx que l'eaue car le vin, a cause de sa subtile substance et action, il le mesle mieulx avec la viande et nature plus se delecte en luy, et pour ce les membres l'attirent plus tost et le meslent avec la viande.
Et Galien dit au comment: toute viande savoureuse, en laquelle aulcun se delecte quant il le prent, l'estomac l'embrasse et le retient, et en grande delectation le digere mieulx que toutes aultres viandes, mais s'il est abhominable, l'estomac le fuyt, de quoy vomissement, inflation, rugitiz sont engendrés.
Éprouver du plaisir, notamment grâce à une nourriture convenable au corps.