Si devez savoir que Saturnes est li plus hauz planetes qui soit des .vij. et parfait son cercle qui est graindres de touz les autres et qui avirone la terre .xxx. anz, et aucune foiz i met meins, selonc ce qu’il est meins stationaires et meins retrogrades, et si se esvague par .iij. lignes del zodiake, mes por la grandor de son cercle, plus est la soe evagions de .iij. lignes que cele de la Lune de .xij. Il a doble naissement et doble couchement cronike et yliake, si cum Jupiter, et a .ij. stations et .ij. retrogradations et sa retrogradation et mult nuisable et por ce distrent li autour qu’il porte une fauz por ce que la falz tranche arriere main. Or dient li philosophe que Saturnes est froiz et ses et melencolikes et obscures et de male odor. Et a nature de fer et de fer rumee et est masles et nocturnes. Et segnefie les tricheörs et cel qui covrent lor ire et lor haine et qui aiment traïson.
Saturnes est frois et sec, mal, damachant ; il enseigne sur desibement, et desertement, et mort, et pleur, et doulousement, et cri et sur choses anciennes
La plus haute des planètes supérieures, réputée maléfique en astrologie, Saturne.