C qu'amilunest apelé / Molt en chalor est atempré. / Il est fait de porri froment / Qui en eue gist longuement. / E quant il est forment triblé, / Si est le jus en drap colé. / Ice amilon est apelé / Après quant a esté seché. / Ice meïsme autresi Refait l'en de l'orge porri. / Au pez,as vïalles entor / Vaut amilon por sa moistor. / O lait d'alemendes doné / E o penides seit josté, / A la tous, as enfers, as seins, / Amilun si doné est seins, / Neïs a ceos qui ont enflor / Ou pez dedenz o grant dolor.
Anon. [Macer], Herbier, ms. Princeton U.L. Garrett 131, ca 1250, v. 2351-2368.
