Por les yeuz bitoirs. Prenez la racine de la borbote et [cote ?] de chievre blanche et de l’orine au malade et emplir de ces choses .i. tepin nuef, puis le boulez et escumez bien, et quant il iert escumez si l’ostez dou feu et prenez .i.bacinet gluez le cul par desors de miel et par dedenz ausi et puis le metez sus le tepin. Et de ce qui gluera au cul doubacin, oigniez les yeuz .ix. jors ; et de ce qui remaindra ou tepin, faites emplastre et metez sor le front au malade, car ceste dolor muet dou cervel.
Anon. [Pseudo-Hippocrate], Lettre d'Hippocrate 1, ms. 693, 1240-1250, fol. 87ra.
Mais quant li ongnemens sera coulés, mete on le vert de grisse pourré en la cire en cele caude couleure et fait boulir tout ensanle .i. poi et se tu veus, si le coule tout de rechief en .1. petitbachinet fai ongnement espes a la cantité d’une onche et quant il commensera a refroidier, fai une roie enmi le bacinet ou li ongnemens est et enclo illuec une petite corde la u tu vauras et en tel maniere garde ton ongnement et quant tu en vauras user, prenn ent .i. poi et l’esten a ton pauc sour .1. drapiel de lin et le met sus le liu dolant sans moien. Cis ongnemens est trop boins a saner les plaies sangue[u]ses et les apostumes sang[u]eus et autres coses.
Jehan de Prouville [abbé Poutrel], Chirurgie, ca 1300, fol. 7v.
Qui volt faire bon entret prenge cire virgine .3. unces e de peiz .I. unce e sur de moton .3. unces e franc encens .2. unces e peiz reisine .3. unces, pois prenez sanicle, bugle, avende, ache, ceste, armoise e orpiment de chescun treis poignez ; pois si le triblez e premez le jus hors ; pois sil metez le jus e tut l’autre en une paele sur le fu e le face bien quire ; pois le colez parmi un drap en unbasinsi le lessez ester e quant il serrat refreidi si ostez la fundritte od un cotel e le remenant metez en boistes.
Anon. [Pseudo-Hippocrate], Le livre Ypocras, 1ère moitié du XIVe s., fol. 179r.