Nous devons dont savoir que apostume n'est autre chose que une tumeur ou une enfleüre innaturele, sourvenant u cors humain, si comme Galiens dit. Et sont ou poeent estre de quatre manieres, selonc les. 4. humours, car elle se poet faire de sanc, et lors est elle appelee en medecine flegmon, et s'elle se fait de cole, elle est appelee herisipile, se de flegme, dismia, et s'elle se fait de melancolie, elle est appelee commuement Cancer.
Evrart de Conty [Aristote], Problemes, ca 1380, I, 44, fol. 45r.