A ceo entendre e estre mestre, Dous maneres deit saver Ke de festre poet trover. Li un est fraid, li autre ardant ; Cel est dutus e plus dolant. Large pertus ad le ardante E estreites la freidante ; Dunc devez par diverse cure, Par grant sen e grant mesure, Encuntre freid le chaud poser, Encuntre chaud le freid muer ; Kar lu avum en escripture Le chaud garit l'em par freidure, De freidure tut ensement Par chalur garissent mute gent.
Anon., Novelle Cirurgerie, ca 1250, fol. 43.