ESPERE

ESPERE (Espere matériel ou artificiel)
Astronomie - Astronomie

Notes

• syn SPHERE

Citations

• Or diron coment li philosophe deviserent le ciel par raison et coment il noterent les espaces que il departirent l’une de l’autre par cercles que il en firent en entendement, et ja soit ce que Martians n’en mete que .x., il en i a .ij. qui ne poent estre mis en l’espere que l’en fait de fust que l’en soloit faire de arein por ce qu’il se changent a la veüe des homes.
  Anon., Introductoire d’astronomie, ca 1260, p. 39.
• Et li artificials [i.e. l’horizon artificiel], c’est cil que chascun fait ou en terre plaine ou en mer en regardant entor soi environ cumbien il puet voair del ciel, et cil qui est naturels est touz jorz uns, ne ne se diversefie pas, et por ce poet bien estre faiz en l’espere.
  Anon., Introductoire d’astronomie, ca 1260, p. 43.
• Mes afin que engin humain peust plus legierement tele chose comprendre, les sages anciens composerent, entre les autres, un instrument qui est appelé espere materiel ou artificiel, lequel on puet resgarder et tout entour manier et tourner et y considerer en partie la descripcion et le mouvement du monde et du ciel.
  Nicole Oresme, Traité de l’espere, ca 1365, fol. 1.

ESPERE
Astronomie - Astronomie

Notes

• syn ORBE

Citations

• La premiere partie donc nous enseigne et aprent le nombre des esperes et quantes on en peut par nature conclurre, selon la consideracion des astronomiens qui communement en mettent .ix., c’est assavoir les .vij. esperes des planetes et la .viij.e des estoilles fixes et la .ix.e ou il n’a nulle estoille que y est neccessere.
  Evrart de Conty, Eschez moralisés, ca 1400, p. 108-109.
• Dum il [Dieu] geta primes autresi comme fundement .ij. elemenz en forme d’espere reonz, le feu et la terre, quar senz le feu nule chose ne pooit estre veüe, senz la terre nule chose ne pooit estre tochiee ne estre estable et por ce que li aornemenz del monde peüst estre veüz et estre touchiez.
  Anon., Introductoire d’astronomie, ca 1260, p. 39.
• Ils sont 10 esperes celestiiennes : li premiere est li firmamens c'est circonference, li seconde si est li espere des 12 signes, li 3e est li espere de l'orbe estelé. (la u les estoilles sont), le 4e est Saturne, li 5e Jupiter, li 6e Mars, li 7e dou Soleil, le 8e de Venus, le 9e si est Mercure, le 10e espere est le Lune.
  Anon. [Léopold d’Autriche], Compilation de le science des estoilles, ca 1300, 58.
• Toute la masse des IIII elemens et des choses qui y sont est appelee l'espere des choses corruptibles, et est enclose ou ciel, aussi comme le moiel de l'uef est enclos en l'aubun. Et tout le ciel qui est par dessus est devisé en plusieurs parties ou esperes.
  Nicole Oresme, Traité de l’espere, ca 1365, fol. 3.
• La vertu du ciel touche l'espere du feu et par le feu il donne a l'air son influance.
  Jean Corbechon [Barthélemy l’Anglais], Proprietés de choses soleil lune, 1372, X, 3, 180.
• Chapitre de la devision de l’espere en .48. figures et en ses parties. / L’espere si est partie en .360. parties ounies […]
  Hagin le Juif [Abraham even Azre], Commencement de sapience, 1273, ms. fr. 24276, fol. 1vb.

ESPERE (Espere des estoiles fixes, huitième espere)
Astronomie - Astronomie

Citations

• ...la .viiij.e espere mesmez se meut semblablement du mouvement dessudit d’occident en orient, mais c’est tardivement, en cent ans un degré tant seulement, selon l’ymaginacion de Ptholomee.
  Evrart de Conty, Eschez moralisés, ca 1400, p. 109.
• Et li orbes et li espere d'icelles estoilles fixes tourne et coupie de celi espere en orient cescun 100 ans un degret selonc Ptholomé...
  Anon. [Léopold d’Autriche], Compilation de le science des estoilles, ca 1300, 58.
• Yginus [...] monstre bien en ung sien livre qu'il a fait De spera celesti, ouquel il traicte des XLVIII ymages et de leurs estoilles qui sont en la VIIIe espere.
  Simon de Phares, Recueil des plus célèbres astrologues, 1494-1498, fol. 80v.

ESPERE (Grant espere)
Astronomie - Astronomie

Citations

• Ychelle espere est dicte li grans espere et est drois et plus atemprés et plus hastius de toutes les autres esperes et toutes les comprent par dedens li...
  Anon. [Léopold d’Autriche], Compilation de le science des estoilles, ca 1300, 58.

ESPERE (Neuvième espere)
Astronomie - Astronomie

Notes

• syn PREMIER MOBILE

Citations

• Item come elles [les sphères] se meuvent de deux notables mouvemens, dont ly uns est d’orient en occident et d’occident aussi en retournant arriere en orient, sur les poles du monde qui autrement sont appellés les poles de l’equinoctial cercle ; et ce mouvement est propre tant seulement a la .ix.e espere, combien qu’il soit communs a toutes les esperes qui sont dessoubz ly, car elle les ravit et mainne avec ly toutes en faisant chascun jour naturel un tour entour la Terre.
  Evrart de Conty, Eschez moralisés, ca 1400, p. 109.
• Ceste IXe espere donc se meut de sa propre nature de orient en occident et ainsy porte et ravit avec lui toutes les autres .viij. esperes qui sont par dessoubz lui en faisant chascun jour un tour entour la Terre.
  Evrart de Conty, Eschez moralisés, ca 1400, 10.

ESPERE (Espere droite)
Astronomie - Astronomie

Notes

• Note encyclopédique Trad. du lat. spera recta

Citations

• Et est assavoir que le dyamectre qui vient d'orient ou d'occident represente l'orizon de l'espere droicte, c'est a dire de ceux qui demeurent dessoubz l'equinocial.
  Jean Fusoris, Traité des usages de l’astrolabe, ca 1410, 117.

ESPERE (Espere oblique)
Astronomie - Astronomie

Citations

• Les assencions de le oblique et. (trevesaine) espere u [l. et] du climat sont les assencions des equateurs qui sont selonc le diversité des 7 climas.
  Anon. [Léopold d’Autriche], Compilation de le science des estoilles, ca 1300, 60.