Opération mathématique dans laquelle les résultats intermédiaires ne sont pas inscrits.
Citations
[E]ncores y a une autre maniere de multiplier qui s'apelle dande et c’est est la plus courte mais elle est difficille à entendre car il fault savoir le grant livret de cueur et ce fait en ceste maniere. L'on veult mutliplier 9787 pour 19 vous deves dire : 7 foys 19 sont 133, mectes 3 et tenes 13. Apres 8 foys 19 sont 152 et 13 que tenez sont 165, mectes 5 et tenez 16, puys 7 foys 19 sont 133 et 16 que tenez sont 149, pousez 9 et tenes 14 puys 9 foys 19 sont 171 et 14 que tenez sont 185 que deves mectre tout au long car n’y a plus figure pour multiplier et ainsi trouveres que monte [fol. 15 v°] la multiplicacion 185953. Et tant monte et ainsi devez entendre de toutes autres.
Jean Certain,Le Kadrans aux marchans, 1485, fol. 15r.
[P]our savoir partir par dande fault le grant livret savoir car l'on prent toutes les figures du partiteur tout à ung coup, comme dire l'on veult partir 750064 pour 19 vous deves dire : en 75 quantes foys peult entrer 19, il y peult bien entrer 3 foiz et reste 18. Apres prenes une autre figure de la somme qui est 0, sont 180, dictes : en 180 quantes foys peult entrer 19, il y peult bien 9 foys qui sont 171 et reste 9. Prenes l'autre figure sont 90 ; en 90 quantes foys peult entrer 19 il y entre 4 foys et reste 14. À l’autre figure sont 146 ; en 146 quantes foiz entre 19 il y entre 7 foys et reste 13. À l’autre figure sont 135: en 135 quantes foys peult entrer 19 il y entre 7 foys et reste 1/49 et ainsi de tous autres.
Jean Certain,Le Kadrans aux marchans, 1485, fol. 19r.