L'os coronal a .4. pertuiz mannifestes : .2. tendans aus yex et .2. tendans aus nasilles, et si a aucuns petis pertuis, qui ne sont pas si manifestes, penetrans par la partie desous vers le palais et la bouche, par les quex passent les ners portans le sens et le mouvement a la langue et a l'uve et aus autres membres de la bouche.
Anon. [Henri de Mondeville], Chirurgie, 1314, chap. 167, p. 50.
Se li neis oevre, et moistors en vient jusc'a palais, saiches qu'il est sanez; et se moistors ne perce si com il covient, saiches qu'il i a char nee en l'os desus...
Anon. [Albucasis], Cyrurgie, ca 1250, fol. 25rb.
A la foiz avient que chancre vient ou palais ou es narines et es levres et es gencives et li lieus est mengiez tout entor.
Anon. [Roger de Salerne], Chirurgie 1, Sloane 1977, XIIIe s., fol. 20va.
La teste ausy ha pluseurs voyes par lesqueles elle se delivre de ses superfluites diverses, si comme les oreilles, les yeuls, les narines et le palais, […]
Evrart de Conty [Aristote], Problemes, ca 1380, I, 18, fol. 26v.
Et est il ainsi, dit il, que li muiel parlent ou gargonnent par les narines pource qu’il ont la bouce par nature volentiers close et que la langue en auls se eslieve volentiers en haut vers le palais et ainsi empeesche le halaine a issir hors par la bouce, par quoy elle est contrainte de issir par les narines, et per consequens tout cil generalment qui resamblent as sours sont enclin par nature a parler ou a vociferer par les narines, ce woelt il dire.
Evrart de Conty [Aristote], Problemes, ca 1380, XI, 2, fol. 206v.