Éloigner de la nature d'une qualité ou d'une propriété, notamment pour le corps.
Citations
Pour quoy nous devons savoir que quant li cors humains est plains de bonne et naturele repletion, Et ausi inanis et vuidiés ordeneement et naturelment ainsy qu'il doit et par bonne mesure, ceste repletions et inanitions tele le tienent et conservent en sa bonne santé, Et le contraire ausi le desnature et fait malade.
Evrart de Conty [Aristote], Problemes, ca 1380, I, 1, fol. 7r.
Le second inconvenient sourdant de mauvais regime est excessive multiplication d'umeurs que se corrompent comme nous voions ceulx estre disposez a encourir fievres pouries qui coustumierement usent de vivres aians desnaturee chaleur avec moisteur accidentelle et evaporant.
Anon. [Guido Parato], Regime de santé, 1459, 5r.
Et ce dit il pource que li enfant se engendre de nostre semence et de pur sanc par la vertu generative et de l'entention de nature, lesqueles choses sont connatureles a nous ; car, dit il, se aucune autre chose s'engendroit en nous de ceste semence corrumpue et desnaturee, si comme aucun ver ou aucune chose monstrueuse qui aucune foys s'engendre u marris de la fame, tel chose briefment ne doit pas estre dite nostre, car tels choses se font de chose corrumpues et estranges de nostre nature, comme les choses qui se feroient des superfluités separees de nous comme sont les egestions, les orines et les sueurs de nostre cors, et tels choses.
Evrart de Conty [Aristote], Problemes, ca 1380, IV, 13, fol. 110r.