Des molles viandes dois comenchier, que l'issue de l'estomac ne soit estopez, et puis mangeras les viandes qui plus sunt tenant et mains solubles. Et toz jors les dois mangier, que plus sunt ligieres a defire primes mangier, et puis le grosses viandes. Car se primes vodras mangier les grosses viandes et puis les ligieres, les ligieres serunt tost defiees et ne porunt descendre az boiaus et por ce torneras par corruption en mauvaises humors. Mais se la ligiere viande soit pardezous, quant sera defiie descendera en la boelle et puis la grosse viande en son tens ira meisme la voie sens destorber.
Jofroy de Waterford, Secret des Secrets, Diet., ca 1300, l.308-15.
Quant le vel est passez cel degrei et vient al secund, la char est plus dure et mains moiste, et por ce est plus fort a defire…
Jofroy de Waterford, Secret des Secrets, Diet., ca 1300, l.1251-52.
...mais quant li grains n'est pas parfitement debrisiés ne molus ne ingalment, mais une partie est grosse et l'autre menue, le pain qui est fais de tel farine demeure longhement en l'estomac et durs est a defire et fait tardie delivrance.
Jofroy de Waterford, Secret des Secrets, Diet., ca 1300., 1977-79.
Kar des estomac la parfundesce / Ke plus chaud est, e plus ad molesce, / De ceo k'en cele partie junt / Charnuse partie ke i sunt, / E si est a la fie de pres veisine / Ke viande defit par sa chaline.
Pierre d’Abernum, Secret des Secrets, ca 1270, v. 1734-1739.