La quinte [partie de l’astrologie] est de interrogacions, a jugier et respondre d’une question par la constellacion qui est ou ciel en l’eure de la demande.
Evrart de Conty, Eschez moralisés, ca 1400, 54.
L’autre quinte partie [de l’astrologie] est des interrogacions. Ceste partie sert de respondre as questions ou as demandes que on peut a l’astronomien faire soubdainement, de quelconques matieres qu’elles soient, laquelle chose est moult forte et moult esmerveillable a entendre et a sauver sa possibilité ; car ce semble estre chose aussi comme impossible que on puisse ainsy respondre par humaine science as questions occultes et secretes, sanz avoir aucun signe ou aucune apparence autre que seulement la figure du ciel telle que elle se moustre a l’heure de la question faite et proposee a l’astronomien.
Evrart de Conty, Eschez moralisés, ca 1400, p. 120.
Maistre Loys de Langle, Espaignol, florit en ce temps a Lyon, grant medicin et souverain astrologien. Cestuit tint estude ouverte pour respondre et juger sur toutes questions et interrogacions.
Simon de Phares, Recueil des plus célèbres astrologues, 1494-1498, § XI, 63a.
