Planète supérieure située sur la sixième sphère et réputée favorable en astrologie.
Citations
Jupiter il est desous Saturne car il est en l’orbe .6e. encontre la terre ; et il est chaus et moistes, droit en son mellement ; et il est le meilleur des planetes.
Hagin le Juif [Abraham even Azre], Commencement de sapience, 1273, p. 84.
Or vos avons dit de Mars, si vos dirons de Jupiter et coment il fait son cours. Et devez savoir que il parfait son cercle qui vait environ la terre et est .xij. foiz graindres que li cercles del Soloil en .xij. anz et s’esvague et eslaise par le zodiake par .v. lignes et a .ij. naissemenz et .ij. couchemenz a cronikes et yliakes ausi come Mars et a .ij. stations et .ij. retrogradations. Si vos dirons des ses autres proprietez. Si devez savoir que Jupiter est chauz et moetes et beneürez et bien fortunez et est sanguins et est masles et jornals et a color de electre et de cler laton. Et fait bone complexion yvele et atempree et est doulz et soés et de doulce parole et segnefie les prodomes et les sainz homes et qui vivent de povre et de sainte vie.
Anon., Introductoire d’astronomie, ca 1260, livre II, ms. fr. 1353, fol. 35ra.
