Se rapportant à la magie spirituelle ou naturelle.
Citations
L’art magique en general contient deux principaulx parties. La premiere partie use des esperilz et par eulx est excercee et parfaicte principalment, sy come ceulx supposent qui tiennent qu’il y a en l’ordre de nature pluseurs telx esperis qui pevent transmuer les elemens et mouvemens et moult de merveilles faire, et ceste partie est proprement appellee nigromance. L’autre seconde partie de magique, et qui plus proprement est magique appellee, laisse les esperis et ne se veult point metre en leur dangier, ce samble, maiz en ce lieu elle use d’aucunes autres choses trouvees en nature qui ont vertus secretes et de grant efficace, en quoy elle se arreste et cuide ainsy par elles venir a s’entente, sy come sont les estoilles du ciel, les pierres precieuses, les herbes et les plantes, et aussi les paroles et les sons musicaulx qui sont de grant vertu, come dit est. Ceste science aussi use de karacteres et d’auncunes figures et ymages souvent, et d’autres pluseurs choses
Evrart de Conty, Eschez moralisés, ca 1400, p. 197-198.
