Note encyclopédique
C'est l'une des principales dignités planétaires.
Citations
Or vos devrion parler et traitier des planetes, mes por ce que la nature de aus et del pooir que Dex lor a doné es choses ça desouz ne puet bien estre coneüe, se l’en ne set bien la nature des signes, par quoi il corent, qui sunt mesons des planetes, por ce covient uncore que je vos devis la nature des signes, si cum li philosophe les deviserent.
Anon., Introductoire d’astronomie, ca 1260, XXI, 1, p. 52-53.
Et si a une autre concorde de signes, quant dui signe sunt mesons d’un planete et se acordent en i. oirre, quar chascuns est mesons de son segnor, si cum li Moutons et li Escorpions qui sunt mesons de Mars, et li Toreaus et la Livre qui sunt mesons de Venus, li Gemeaus et la Virge qui sunt meson de Mercure, Sagittaires et li Poisson qui sunt mesons de Jupiter, Capricornes et Aquaires qui sunt mesons de Saturne, et chascuns de ces signes est en l’oirre de son segnor. Li Cancres et li Lions sunt mesons del Soloil et de la Lune en .i. oirre, quar chascuns est mesons de son segnor.
Anon., Introductoire d’astronomie, ca 1260, LXX, 20-21, p. 75.
Et covient bien savoir les tables / Por savoir les leus covenables, / La ou il voient arriver / Les planetes a le aiver, / Quar a ce doit metre grant peine / Li bons mestres qui bien se peine, / Que primes son tacuin face, / Par quoi set le terme, la face, / L’exaucement et la meison, / La triplicité par reison / Des planetes ou il demorent, / Et par lesquels degrez i corent, / Par quoi il sevent dont ce avient /Que a chascun planete apartient.
Anon., "Poème introductif à l'horoscope de Baudoin de Courtenay et à l'Introductoire d’astronomie", ca 1260, ms. fr. 1353, fol. 3vb.
Et as planetes est poesté ou cercle. Il i a poesté de meson, et si i a poesté d’eneur, et si i a poesté de triplicité, et poesté de termine, et poesté de faces, mes la poesté de la meson est .5. forces, et la poesté de l’oneur .4., et la poesté de la triplicité .3., et la poesté du termine .2., et la poesté de faces .1.
Hagin le Juif [Abraham even Azre], Commencement de sapience, 1273, p. 35-36.
Cestes sont les maisons : Le Mouton et l’Escorpion sont mesons de Mars, Torel et Libre mesons de Venus, Jumealz et Vierge mesons de Mercure, Cancre meson de la Lune, le Lyon meson du Soleil, Sagitaire et Poisson mesons de Jove, Capricorne et Aquaire mesons de Saturne.
Anon. [Alchabiz], Introductoire as jugemens des estoilles, ca 1360, fol. 121.
Autresi chascuns planetes quant il est dans sa propre meson ou en sa force, resemble a le home qui est en sa propre meson et entre sa gent. Et quant il est dans la meson de son regne, si est semblanz a celui qui est dans son reaume et commande a ses sougiez.
Anon., Introductoire d’astronomie, ca 1260, livre II, ms. fr. 1353, fol. 50ra.
Si devez savoir que li Moutons est meson de Martem; et li regnes del Soloil, el .xix.me degré; et li cas Veneris en cel degré meesmes; et est le humiliations de Saturne el .xxi. degré. Li Toreaus est meson de Venus; et est li regnes de la Lune el .iij.ez degré; et li cas Martis en cel degré meesmes. Li Gemel est meson de Mercure; et est li regnes del Chief del Dracon el tierz degré; et le humiliation de la Coé en cel degré meesmes; et autresi en cel tierz degré est li cas de Jupiter. Cancer est mesons de la Lune; et li regnes de Jupiter el .xv.me degré; et li cas de Saturne en celui degré meesmes; et le humiliation de Martem el .xxviii.me degré. Li Lions est mesons del Soloil, ou il n’a regne ne cas ne humiliation de nul planete. La Virge est mesons de Mercurem; et est si regnes el .xv.me degré; et li cas de Jupiter en celui degré meesmes. La Livre est meson de Venus; et est li regnes de Saturne el .xxj.me degré; et li cas de Jupiter el .xxix.me. Li Escorpions est mesons de Martis; et est le humiliations de la Lune el .iij.ez degré; et li cas de Venus en celui meesmes. Li Sagittaires est mesons de Jupiter; et est li regnes de la Coé; et le humiliations del Chief del Dracon el tierz degré. Li Capricornes est mesons de Saturne /62va/ et est li regnes de Martem el .xxix.me degré, mes il n’i a cas ne humiliation de nul planete. Li Aquaires est meson de Saturne; et est li cas del Soloil el .xix.me degré, mes il n’i a regne ne humiliation de nul planete. Li Poissons est mesons de Jupiter; et est regnes Veneris; et est li cas et le humiliations de Mercure el .xxvii.me degré.
Anon., Introductoire d’astronomie, ca 1260, livre II, ms. fr. 1353, fol. 62rb-62va.
MAISON (Maison [du ciel])
Astronomie -
Astrologie
nom
fém.
Etym FEW VI-1, 237a,242a
mansio
Division, à partir de l’ascendant, de la sphère céleste en parties égales ou inégales, dont la localisation varie en fonction de l’heure et dont le nombre est normalement fixé à douze, chacune des maisons ayant une signification astrologique propre.
Notes
Note encyclopédique
Les astrologues médiévaux distinguent les maisons angulaires, situées aux quatre angles de l'horoscope, des maisons succédentes et des maisons cadentes. C'est à cette typologie que se réfère le poème introductif du ms. fr. 1353. (JP Boudet)
Or vos avons dit des signes et de lor manieres et por ce que des signes et de lor degrez sunt faites les mesons de chascun planete, vos dirons ci des mesons. Si cum j’ai dit desus, li sovrains cercles del firmament qui torne le cercle des signes et les autres cercles de orient en occident torne une foiz entre jor et nuit et revient arrieres a .i. point. Et en chascune hore del jor et de la nuit sunt li un degrez des signes en orient la ou il naissent primes sor terre, li autre en mi le ciel, li autre couchent en occident et li autre el quart angle desouz terre. Et de l’un angle a l’autre est la quarte partie del cercle, et chascune quarte est devisee en .iij. parties, si cum j’ai dit desus des signes, et chascune de ces .iij. parties est apelee meson, et einsi sunt el cercle del zodiake .iiij. quartes, si cum ge ai dit selonc les .iiij. tems, et sunt .xij. mesons selonc le nombre des .xij. signes.
Anon., Introductoire d’astronomie, ca 1260, LXXVI, 1-4, p. 77.
Puis [les astrologues] regardent en quele meson / Il doit meauz valoir par raison / Ou en l’angle, ou en succedent, / Ou se il est en meson cheant, / Quar li angle si sunt plus fort ; / La succedenz vient a bon port, / La cheanz note meins de bien : / La ne valt li planetes rien […]
Anon., "Poème introductif à l'horoscope de Baudoin de Courtenay et à l'Introductoire d’astronomie", ca 1260, ms. fr. 1353, fol. 3va.
Quar se l’en demande de enfant / Ou de home ou de fame vivant, / De sa fortune ou de sa vie, / En le astrelabe ne faut mie, / Se il est bons astrologiens, / Que tout ne voie, mals et biens, / Quar tant tost prent le point et l’hore / Del signe ascendent, senz demore, / Quant il a le ascendent trové / Et le degré montant prové, / Et fait .XII. mesons des signes […]
Anon., "Poème introductif à l'horoscope de Baudoin de Courtenay et à l'Introductoire d’astronomie", ca 1260, ms. fr. 1353, fol. 3vb.
Et se depart l’orbe en chascun point en .12. parties ou nombre des signes, et eles sont apelees mesons. Et les .4. d’eus sont apeles par un non, ce sont la premier meson et la .4e. et la .7e. et la .10e, qui sont apelees chvillies car eles sont en samblance de poins ; et la meson seconde et la .5e. et la .8e. et la .11e. sont apelees par .1. non, ce sont soupoies as chevilles ; et la meson tierce et la .6e. et .9e. et .12e. sont apelees en .1. non, que ce sont foibles ou cheans.
Hagin le Juif [Abraham even Azre], Commencement de sapience, 1273, p. 79.
Et ces .12. mesons eles sont racines en la nativité de l’omme, et es elections, et es demandes et jerres es jugemens du siecle que c’est la communité.
Hagin le Juif [Abraham even Azre], Commencement de sapience, 1273, p. 80.
Les 12 maisons commencent le point de zodiaque qui touche a chascun instant le orizon devers orient en alant devers minuit.
Pèlerin de Prusse, Elections universelles des douze maisons, 1361, fol. 38v.
Chascune de ces quartes est partie en 3 parties qui sont appelees maisons [...], desquelles les 4 qui commencent les quartes, comme la premiere, 10e, 7e et 4e sont apellees angils, et les 4 qui viennent aprés les angils, comme la 2e, 11e, 8e et 5e sont appellees succedans, et les 4 de remanant comme la 3e, 6e, 9e et 12e sont nommees cheantes
Pèlerin de Prusse, Elections universelles des douze maisons, 1361, fol. 41v.
Quant il a en le ascendent part / Bone meson et bon regart / De bon planete et receuz / N’est pas li maistres deceuz / Del bon estat et de la vie / Que toute verité n’en die. / Mes se il velt aprés savoir / De la richece ou del avoir, / Droit a la seconde se avance, / Laquele est meson de substance, / Et par les planetes saura / Se richeces ne avoir aura. / La tierce meson li dira / Des freres coment en ira, / Des cosins, des amis prochiens, / Se il en vendra ou mals ou biens. / La quarte, de pere ou de mere, / Se la fortune en iert amere / De heritages, de chams, de terre, / Se il en porra auquns conquerre. / La quinte meson est de filz, / Se il en aura joie ou perilz, / Se il en solaz, en luxure, / En estrumenz metra sa cure. / La .VIme. est de maladie, / Se il en aura moult en sa vie, / De sers, de bestes dunt l’en use / Et de vils genz que l’en refuse. / La .VIIme. est de mariage, / S’il i aura prou ou domage / De fames, de naves, de pertes / Et de terres qu’en fait desertes. / La .VIIIme. est de mort, / De occision, de injure et tort, / Et de choses qui de morz vienent / Et qui a tristece apartienent. / La .IXme. est de longue voie, / Se l’en aura duel ou joie / Et se l’en la porra parfaire / Senz avoir ennui et contraire. / La .Xme. a princes et rois / Qui funt justices et font lois / En lor reaumes, en lor terres, / Et funt sovent et pais et guerres, / Et conquierent les segnories, / Dont meint home perdent les vies. / La .XIme. est meson de fortune, / Si bons planetes et la Lune / Ilueques en bon signe corent ; / Amis l’exaucent et le hennorent. / La .XIIme. est meson de plor / Et de tristece et de paor, / De malfaitors, de traïson, / Et de anemis et de prison.
Anon., "Poème introductif à l'horoscope de Baudoin de Courtenay et à l'Introductoire d’astronomie", ca 1260, ms. fr. 1353, fol. 3vb-3vc.
Et peut l’en les maisons prises et divisees selonc ceste manier trouver et equier par l’astralabe, car l’en meit le degré ascendent sur la ligne de midi, et puis l’en tourne l’almuri vers occident par .30. degrés qui sont la .12e. partie de le equinoctial, et le degré du zodiaque qui cherra sur ladicte ligne de midi est le commencement de la .2e. maison
Robert Godefroy [Anon.], Livre des neuf anciens juges d’astrologie, 1361, fol. 11vb.
Il nous convient aussi secondement entendre et savoir les natures et les significacions des .xij. maisons qui partissent le ciel en .xij. parties ; mais c’est en autre sens et en autre maniere que les .xij. dessusdiz signes ne partissent le zodiaque en .xij. ; pour laquelle chose comprendre, il nous convient deux cercles grans ymaginer ou ciel, c’est assavoir le cercle appellé orizon et le meridien dont nous avons ja autresfoiz parlé. Le orizon est un cercle qui devise et depart la partie du ciel que nous veons sur terre de la partie que nous ne veons pas pour ce que elle est soubz terre. Le meridien est aussi, comme il fu dit, un cercle qui passe par les poles du monde et par dessus les testes des habitans en toutes regions. Ces deux cercles donc s’entrecopent et croysent devers midy et devers septentrion, et passent et partissent le ciel en .iiij. equalx parties. Et se nous ymaginons oultre que chascune des ces .iiij. parties soit devisee en .iij. aussi precisement par deux cercles passans par les poins dessusdiz ou les deux premiers cercles s’entrecroisent, nous arons tout le ciel devisé en .xij. equalx parties qui sont les .xij. maisons dessusdites. Et pour ce aussi font elles les planetes diversement segnifier sur les choses du monde
Evrart de Conty, Eschez moralisés, ca 1400, p. 111.
Mectez le Soleil ou aucune estoille en sa haulteur entre les almicantharatz, et vous aurez les 4 maisons principales comme dit est ou 2e chappitre, c’est assavoir le degré ascendant qui est le commencement de la premiere maison, et le degré d’occident qui est le commencement de la 7e maison, et le degré de midi qui est le commencement de la 10e maison, et le degré de la ligne de mynuyt qui est le commencement de la 4e maison
Jean Fusoris, Traité des usages de l’astrolabe, ca 1410, p. 115.
...le saint evesque Johannes Hyspalense le allegue souvent ou livre de ses Interrogacions, par especial en la septiesme maison, en laquelle il traicte du fait des guerres, des furs et choses absconses
Simon de Phares, Recueil des plus célèbres astrologues, 1494-1498, § I, 5a.
Fist aussi un traicté sur la VIe maison, qui est des maladies, qui moult sert a prenostiquer de toutes maladies
Simon de Phares, Recueil des plus célèbres astrologues, 1494-1498, § XI, 100.
Et devez savoir en cele hore le premier degré ascendent qui premiers monte en orient au plus certainement que vos porrez et regarder certainement les pointes, ce est la fins et li commencemenz de chascune des .xij. mesons.
Anon. [Albumasar], Li livres des Flors de Albumaxar a faire jugemenz , ca 1260, ms. fr. 1353, fol. 83ra.