Signe du zodiaque qui correspond à un changement de saison .
Notes
Note encyclopédique
Le mot "tropique" peut avoir une valeur substantivée.
syn
signe mobile
Citations
Uncore sunt devisé li signe selonc le efficace de la nature des .iiij. tems, quar li un sunt dit tropyke, si cum li Moutons, li Cancres, la Livre et li Capricornes. Et autretant vaut tropikes cum conversis, por ce que quant li Solauz est es commencemenz de ces signes, il fait un changement de tens et se convertist la nature de l’un tens en l’autre, et autresi font changement des natures des cors, quar il sunt .iiij. natures des elemenz, et selonc ce .iiij. partie del monde et .iiij. venz principals et .iiij. tems et .iiij. parties de signes el zodiake.
Anon., Introductoire d’astronomie, ca 1260, p. 57.
Uncore sunt devisé en autre maniere li signe, quar li un sunt moble, li autre sunt ferm, li autre commun. Li moble sunt li tropike, li Moutons, li Cancres, la Livre, li Capricornes. Et cil segnefïent mobilité et que les choses ne sunt durables, ne fermes, ne estables, que l’en commence sous ces signes, quant li planete i sunt que la chose segnefïent et meesmement la Lune, mais il fait bon fiencier fame, semer, vendre et acheter, li malades guerist tost. […] Li .iiij. tropike, por ce que en eaus est li commencemenz des .iiij. tems, sunt li plus digne, et por ce est en ces .iiij. li regnes et li exaucemenz et la sublimations des .iiij. plus hauz planetes.
Anon., Introductoire d’astronomie, ca 1260, p. 62-63.