Se il se assemblassent el plus haut de lor cercles loing de la terre, si fust deluges de aive por ce que les aives et les humors de la terre ne poissent estre desechiees par lor chalor et por ce convint que les planetes s’esforçassent d’aler contre le firmament, si qu’il ne fussent mie si tost porté en occident par l’isnel movement del firmament et par lor legiereté. Et de ce, toutes voies que li firmamenz les porte la ou il court, c’est en occident, variassent et feïssent le jor et la nuit.
Anon., Introductoire d’astronomie, ca 1260, p. 40.
